Iwwert den Teach's de Bal?!

'Teachsdebal.lu a.s.b.l. ass den 28. Abrëll 2010 gegrënnt ginn. De Grondsteen dozou gouf freides den 23. Abrëll geluecht, wéi 10 Membere sech zesumme gedoen hunn an d’Statuten ënnerschriwwen hunn. D'Idee mat de Baler ass iergendwann eng Kéier freides no 4 Auer entstanen, wéi mer zesummen op de Weekend ugestouss hunn. Mer hunn déi Ideeë konkret duerchgezunn, an freides den 23. Mee 2008 um 20.00 Auer wor et dunn esou wäit : den éischte Bal huet seng Dire fir de Public opgemaach. Wat am Ufank nach relativ amateurhaft eriwwer komm ass, ass lues a lues verfäinert a verbessert ginn. De Budget ass all Joer an d'Lut gaangen, wat et eis erlaabt huet, méi professionell Servicer unzebidden. De Romain Bruzzese aus dem Café 'Beim Silo' huet eis vun der éischter Idee un ënnerstëtzt, an ouni hien, hätt sech eise Bal sécherlech net esou séier etabléiert. Nom Romain sengem vill ze fréien Doud hu mir nach e leschten Teach's de Bal zu sengen Eieren am Silo organiséiert. Nodeems de Silo zou gemaach huet, hu mir an der FABRIK en zouverlässegen a kompetente Partner fonnt, fir hoffentlech och nach déi nächst Joren e flotte Bal fir d'Leit ze organiséieren. Een Deel vum Benefice probéiere mer ëmmer u karitativ Organisatiounen ze spenden. Een aneren Deel fléisst a Projet'en an eiser Mierscher Schoul.